Heb 1 | TPZ | STEP | Moaan voh ne Sosoenën to vavaato koe me voh non a kën sipuura manih po teß vanënën soe. Pa ma poen peo neß to vavataare koe voh non ea pa taateß tata me a taateß vaato.

aSng 2:7

b2 Sml 7:14

cSng 97:7

dSng 104:4

eSng 45:6-7

fSng 102:25-27

gSng 110:1

Hebrews 1

A Soe Pe Sosoenën To Koe Maß Pe Koaß Peß

1 Moaan voh ne Sosoenën to vavaato koe me voh non a kën sipuura manih po teß vanënën soe. Pa ma poen peo neß to vavataare koe voh non ea pa taateß tata me a taateß vaato. 2 Ivëhkëk, manih pa ma poen to oah ee, eß to vavaato koe me a rora pe Sunaißeah. E Sosoenën to vaneah voh e Sunaißeah a ma tah kurus. Ee pon to teß vaßpeh ne, pare soe, ko oeh me akis tavus me a ma moeh tah kurus to teß hop ne nën. 3 E Koaß to matan va e non manih pe Tamaneah, pareß vapeaapen non o maaka peß. O kikis pa soe peß to vatoe me non pe Tamaneah, pare öt ne pon a ma moeh tah kurus pa soe kikis pamëh. Vasuksuk neß to mët, ko eraß peß pupui a ra ko vahik a ma hat pea, ka voon rakah ee. Manuh pa vöön va kin, neß to ihoß non pa papmatö pe Tamaneah a Kikis Vi. 4 A tasun pe Ieesuß to apuh oah e non pa tasun po ankeroß. E Sosoenën to heß voh poan o ëhnan to apuh oah e non pa ma ëhnëëre.

A Tasun Pe Koaß To Apuh Oah E Non Pa Tasun Po Ankeroß

5 Ivëh, ke Sosoenën hikta soe ke voh ta pah ankeroß a soe neß to heß e Ieesuß to soe non pan,

“Kuru, eën e Koaß peöß, keöß e Tamömah.” ^a
Ahik to pöh poen ne Sosoenën to soe ke ro ankeroß, ivëhkëk, eß to soe ke Ieesuß pan,

“Eöß se teß noß e Tamömah, kën teß nom e Koaß peöß.” ^b
6 Ivëhkëk, o poen neß se vanö hah maß a pah Koaß ro peß manih po oeh, pareß soe pan,

“A ma ankeroß pe Sosoenën se vasunön eah.” ^c
7 Ke Sosoenën to sosoe suk voh non o ankeroß, pareß soe pan,

“Eöß to nok voh raoe, kee teß ne a nap kiu peöß,
pare teß va ne manih pa tuvuh me o tëkrea.” ^d
8 Ivëhkëk, manih pe Koaß, ne Sosoenën to soe pan,

“Sosoenën, a ma tamoaan rakah nën se teß nom a teß Sunön,
parën matop nom a ma napan pën pa taateß totoopin.
9 Eën to iu nom a taateß vih totoopin,
parën rës nom a taateß hat.
Ivëh, ke Sosoenën e Topoan pën to kon voh oah, ko heß oah o vaeö, me a tasun to teß oah e non pa ö neß to heß vavoh a ma vakamöß pën.” ^e
10 Ke Sosoenën sosoe suk voh non e Ieesuß, pareß soe pan,

“Eën e Sunön, po vamomoaan eën to nok o oeh me akis pa koreomah.
11 O oeh me a akis se hat vamanih po rara vamoaan, pare hik ee.
Ivëhkëk, eën to teß tamoaan e nom.
12 Eën se nikun raoe vamanih po rara,
parën panih raoe pon vamanih pa teß to panih o rara,
ivëhkëk, eën se vatoe tamoaan e nom,
parën hikta se manot nom.” ^f
13 E Sosoenën to hikta soe ke voh ta ankeroß a soe neß to heß voh e Ieesuß, to soe non pan,

“Ihoß manih pa papmatö peöß,
keß antoen pa ö nöß se vahoß a teß to vakihat me a nom oah manih paan in eën.” ^g
14 O ankeroß to kiu ne paan e Sosoenën, keß vavanö non raoe pa vaßaus o teß varih neß se kon hah.